Ditën e martë në datë 16 mars të vitit 2010, ditë në të cilën Ferdusiu përfundoi shkrimin e veprës së tij epike “Shah-Name”, u inauguruan në qytetin e Beratit bustet e Ferdusiut dhe Vexhi Buharasë përkthyesit në gjuhën shqipe të Shahnamesë. Në këtë aktivitet ishin të pranishëm kryetari i Bashkisë Berat,z. Fadil Nasufi, z. Shahrouz FalahatPisheh drejtor i fondacionit kulturor “Saadi Shirazi”,  si dhe përfaqësues nga ministria e kulturës dhe pushteti lokal. Bustet u ndërtuan nga skulptori artist, prof Sadik Spahija dekan i fakultetit të Akademisë së Arteve të Bukura në Tiranë.
z. FalahatPisheh, drejtor i fondacionit kulturor iranian “Saadi Shirazi”, theksoi se ndonëse Shahnameja e Ferdusiut është një kapital kulturor, ajo nuk i përket vetëm iranianëve por të gjithë popujve të botës . Ndërkohë  shqipëruesin  Shahnamesë, të ndjerin Vexhi Buharaja ai e cilësoi ambasador nderi të kulturës iraniane në Shqipëri, i cili ja doli mbanë që me anë të përkthimit të bukur dhe epik të Shahnamesë së Ferdusiut ti përkushtohet me zell dhe dashuri  promovimit të kulturës iraniane shumë kohë më parë se në Shqipëri të vinte ndonjë përfaqësues zyrtar nga Irani.