Njëkohësisht me kremtimin e mijëvjeçarit të Shahname_së , të Firdeusit në muajin mars 2010 dhe deklarimit nga Unesco, fondacioni kulturor Iranian “Saadi Shirazi” me qendër në Tiranë, në ditën e përvjetorit të mijëvjeçarit të Shahnamesë në datë 16 mars në bashkëpunim me bashkinë e qytetit historik të Beratit, vendlindjes të Vexhi Buharasë, përkthyesit të talentuar të Shahnamesë në gjuhën shqipe, organizoi një seminar shkencor mbresëlënës.
Libri me titull “Firdeusi në botën shqiptare dhe Vexhi Buharaja” përmbledh një mori artikujsh që u mbajtën në këtë seminar, që shërbejnë si dokumentacion shkencor me vlera të rralla në fushën e marrëdhënieve kulturore midis dy shteteve. Botimi i këtij libri në gjuhën shqipe u mundësua nga fondacioni kulturor iranian “Saadi Shirazi”, me rastin e mijëvjeçarit të Shahnamesë së Firdeusit.
Kultura iraniane mbi 7000 vjeçare, slogan të saj me kulturat dhe popujt e tjerë ka patur paqen dhe miqësinë, për këtë arsye shohim dimensione të mëdha të kulturës perse të pranishme në kulturat e popujve të tjerë të botës, ku iranianët shkelën shumë kohë më vonë sesa kishte shkelur kultura e tyre. Po ashtu ky libër botohet në shenjë nderimi ndaj të ndjerit Vexhi Buharaja, përkthyesit të talentuar të Shahnamesë në gjuhën shqipe, është një tjetër mesazh nga populli paqedashës dhe mik iranian për popullin e mirë shqiptar.