Ditën e enjte më datë 20 maj 2010, në ditën e dytë të aktiviteteve kulturore, në qytetin e Fierit çeli siparin veprimtaria “Ditët e filmit iranian”.

Në ceremoninë e çeljes të këtij aktiviteti ishin të pranishëm dr.Ali Amui, ambasador i R.I. të Iranit në Tiranë, z. Shahrouz Falahatpisheh drejtor i Fondacionit Kulturor Iranian “Saadi Shirazi” dhe z. Baftjar Zeqaj kryetar i Bashkisë së qytetit të Fierit.
Kryetari i bashkisë z. Zeqaj në fjalën e tij, përshëndeti këtë veprimtari kulturore, e cila ndikon pozitivisht në marrëdhëniet kulturore dypalëshe.
Ndërsa dr. Ali Amui, ambasador i R.I të Iranit në Tiranë, duke rikujtuar se viti 2010 është shpallur nga Unesco si “Viti Ndërkombëtar i Përafrimit të Kulturave”, vuri në pah veçoritë, vlerat, karakteristikat artistike dhe arritjet e kinemasë iraniane.
Vlen të theksohet se në datat 20 dhe 21 maj në qytetin e  Fierit u shfaqën disa filma të suksesshëm nga kinematografia iraniane, të përkthyer dhe titruar në gjuhën shqipe.