Historiku dhe Qëllimet Fondacioni Kulturor Iranian "Saadi Shirazi" është themeluar në Tiranë në vitin 1994 si OJF (NGO),  me statusin e vet ligjor konform legjislacionit shqiptar në fuqi dhe me vendim të gjykatës së Republikës të Shqipërisë. Ka qëllim, prezantimin e kulturës dhe qytetërimit Iranian dhe islamik në Shqipëri, ringjalljen e marrëdhënieve kulturore midis dy popujve të Iranit dhe Shqipërisë, si dhe forcimin e miqësisë midis kombeve të dy vendeve tona të lashta. Fondacioni Kulturor Saadi Shirazi ne fazën e re të aktiviteteve të tij që nga viti 2003 është shndërruar në një vatër kulturore iraniane me ndikim të ndjeshëm në qarqet kulturore shqiptare si dhe shërben si forcues i marrëdhënieve kulturore dhe lidhjeve midis studiuesve dhe hulumtuesve të kulturës së dy shteteve, dhe gëzon reputacion në qarqet kulturore shqiptare. Falë aktiviteteve të larmishme kulturore Fondacioni Kulturor “Saadi Shirazi” ka fituar një reputacion dhe emër të mirë në të gjitha sferat e jetës, duke u afirmuar në nivelin më të lartë ndërkombëtar, gjë që nderon jo vetëm këtë Fondacion, por edhe Republikën Islamike të Iranit.